إيه هيا البرمجة؟
سؤال بيدور فعقل كل واحد جديد فالمجال وعاوز يبدأ يتعلم برمجة وتساله عاوز مجال اي ؟
بيبقي الموضوع صعب ومش مفهوم لانه ميعرفش إيه هيا البرمجه 
،
طيب بإختصار كده البرمجة دي عبارة عن لغة زي اي لغة بنتواصل بيها بس مش مع البشر 
مع الحاسوب او الموبايل 
علي سبيل المثال انت شخص بتتكلم عربي عاوز تتواصل مع شخص بيتكلم صيني 
أكيد لازم هتعلم صيني علشان يفهمني ، نفس القصة برضوا أنا عاوز أتعلم برمجة! ايوه هتكلم مع مين بالظبط ؟ الكمبيوتر ولا الموبايل؟ ولوا عاوز أتكلم مع الموبايل هيبقي ايفون ؟ ولا أندرويد ولا الاتنين ؟؟؟ 
لوا حاسس الموضوع معقد فتعالي ابسطهالك وخلينا نبدأ ببرمجة الموبايل
برمجة الموبايل وهيا Mobile App Development
بتكون عبارة عن صناعة تطبيقات بتشتغل بس علي الموبايل سواء اندرويد او ايفون ، وكمان تقدر تتعلم لغة واحد تعمل بيها الاتنين مع بعض ، ومثال لتطبيقات الموبايل زي تطبيقات التسوق والاوبر والالعاب بتاعه الموبايل
مجال برمجة الكمبيوتر بينقسم لقسمين ، قسم الويب 
وقسم سطح المكتب 
قسم الويب هو عبارة عن برمجة وتصميم المواقع الإلكترونية زي مواقع التسوق وفيسبوك وجوجل وغيرها من المواقع وكمان بتتسمي بال Web Applications وكمان تقدر تعمل بيها برامج زي ال cloud systems وهيا زي برامج ادارة المبيعات وال erp وبرامج الشركات والحسابات وكلها بتشتغل من علي المتصفح وتقدر تشغلها من اي مكان فالعالم
اما برمجة سطح المكتب Desktop Applications
ودي بتبقي برامج بتشتغل علي الكمبيوتر بس سواء ويندوز او لينكس او ماك وعلي حسب لغة البرمجة وامثلة لكده برامج الفوتوشوب وبرامج الحماية وبرنامج ضغط الملفات ودي كلها برامج سطح المكتب.
وبس كده دي مجرد تبسيط للبرمجة بشكل عام وان شاء الله فبوستات تانية هنتكلم عن كل حاجه بالتفصيل ، أتأكد بس ان تكون متابعنا 
أيه هو الفلاتر (Flutter) ؟؟ ،
الفلاتر ده عبارة عن إطار عمل بيخليك بكل بساطه تكتب كود واحد بلغة واحده اسمها Dart تشتغل علي جميع الانظمة ، يعني بقي مش هيفرق معاك عميل عاوز تطبيق لل ios او android بس كده؟؟ لا كمان تقدر تعمل بيه تطبيقات للكمبيوتر وكمان للويب 
يعني تقدر تعمل بيها لكل الانظمة وبتكتب كود واحد بس ، طيب محتاج اي علشان تتعلم لوا أنت أساسا ملكاش فالبرمجة ومش بتعرف تستخد الكمبيوتر اوي ؟؟ الموضوع بسيط 
عندنا فأكاديمية ماتريكس بنعرفك فالبداية اي هو الكمبيوتر وبيتعامل مع لغات البرمجة ازاي وكمان بنمشي معاك خطوة بخطوة لحد إما تتقن البرمجة وتبقي محترف كمان وتعمل ابليكيشن وكمان ترفعها علي النت والناس تنزلها ، لوا عاوز تعرف أكتر أشترك معاما واسأل علي دورة الفلاتر
مع تحيات Matrix Academy
1
